တိုကျို၊ ဩဂုတ်-၂၇-၂၀၂၄
မျိုးဆက် (VOM)
တရုတ်သူလျှိုလေယာဉ်တစင်းဟာ ဂျပန်လေပိုင်နက်ကို ပထမဆုံးအကြိမ် ချိုးဖောက်ဝင်ရောက်ခဲ့တယ်လို့ ဂျပန်က စွပ်စွဲလိုက်ပြီး ဒီကိစ္စကို အပြင်းအထန် ကန့်ကွက်ထားပါတယ်။
တရုတ်ရဲ့ ဝိုင်-၉ အမျိုးအစား သူလျှိုလေယာဉ်ဟာ ဂျပန်နိုင်ငံ ဒန်ဂျိုကျွန်းစုရှိ လေပိုင်နက်ကို ချိုးဖောက်ဝင်ရောက်ခဲ့တာကြောင့် ဂျပန်တိုက်လေယာဉ်တွေ စေလွှတ်ပြီး ဟန့်တားမှုတွေ ပြုလုပ်ခဲ့ရပါတယ်။
ဒီလို ပိုက်နက်ချိုးဖောက်မှုဟာ လုံး၀လက်ခံနိုင်ဖွယ်ရှိကြောင်းနဲ့ တိုကျိုရှိ တရုတ်သံရုံးသံအမတ်ကို ဆင့်ခေါ်ကန့်ကွက်ထားတယ်လို့ ဂျပန်အစိုးရအဖွဲ့ အတွင်းရေးမှူးက ပြောပါတယ်။
ဂျပန်အပါအဝင် အမေရိကန်ရဲ့ မဟာမိတ်တွေအပေါ် တရုတ်နိုင်ငံက ဩဇာလွှမ်းမိုးဖို့ ကြိုးပမ်းမှုတွေကြောင့် ဒေသတွင်းမှာ တင်းမာမှုတွေမြင့်တက်လာချိန်မှာ တရုတ်သူလျှိုလေယာဉ်က ဂျပန်နိုင်ငံလေပိုင်နက်ထဲ ပထမဆုံးအကြိမ် ဝင်ရောက်ခဲ့တာဖြစ်ပါတယ်။
ဒါနဲ့ပတ်သက်ပြီး နောက်တကြိမ်ဖြစ်မလာစေဖို့နဲ့ တားဆီးဖို့အတွက် သံတမန်လမ်းကြောင်းကနေ တရုတ်အစိုးရကို ဆက်သွယ်ကန့်ကွက်ထားတယ်လို့ ဂျပန်တာဝန်ရှိသူတွေက ပြောပါတယ်။
ဂျပန်ထိန်းချုပ်ထားတဲ့ ကျွန်းတွေအနီး ရေပြင်မှာလည်း တရုတ်သင်္ဘောတွေ မကြာခဏ ဝင်ရောက်ခုတ်မောင်းမှုတွေရှိနေပြီး ပိုင်ဆိုင်မှုအငြင်းပွားဖွယ် ကျွန်းတွေနဲ့ပတ်သက်ပြီး နှစ်နိုင်ငံအကြား ယခင်းကတည်းက တင်းမာမှုတွေ မြင့်တက်နေခဲ့ပါတယ်။
Ref:BBC
Photo:Japan Air Force
Related posts
-
လက်ဘနွန်မှာ ဆက်သွယ်ရေးစက်တွေ ဆက်တိုက်ပေါက်ကွဲလို့ လူ ၃၀၀၀ နီးပါးဒဏ်ရာရ၊ အစ္စရေး လက်ချက်လို့ စွပ်စွဲ
ဘေရွတ်၊ စက်တင်ဘာ-၁၈-၂၀၂၄ မျိုးဆက်(VOM) လက်ဘနွန်နိုင်ငံတဝန်းမှာ ကြိုးမဲ့စက်သွယ်ရေးစက် ပေဂျာတွေ တပြိုက်နက်တည်းလို ပေါက်ကွဲမှုတွေ ဖြစ်ပွားခဲ့တာကြောင့်... -
ပြည်ပရောက် အလုပ်သမားတွေရဲ့ လွှဲပို့ငွေစာရင်း မတင်ပြနိုင်တဲ့ အလုပ်အကိုင် အေဂျင်စီ ၁၅၀ နီးပါး အရေးယူခံရ
စက်တင်ဘာ ၁၈ – ၂၀၂၄SN (VOM)ပြည်ပရောက် အလုပ်သမားတွေရဲ့ မိသားစုဆီလွှဲပို့တဲ့ လစာငွေလွှဲစာရင်း တင်ပြနိုင်ခြင်းမရှိတဲ့... -
ရေဘေးအတွက် အိမ်အမိုးသွပ်တွေ ၄၀ ရာခိုင်နှုန်း စျေးလျှော့ရောင်းမယ်လို့ ဆောက်လုပ်ရေးအသင်းချုပ် ပြော
စက်တင်ဘာ ၁၈ ၊ ၂၀၂၄KH(VOM)ရေဘေးသင့်ဒေသတွေ ပြန်လည်ထူထောင်ရေး အထောက်အပံဖြစ်ဖို့ ရည်ရွယ်ပြီး မြန်မာနိုင်ငံဆောက်လုပ်ရေးလုပ်ငန်းရှင်များအသင်းချုပ် (MCEF)...